2016年4月16日⋯⋯
朝早11:00約見洗樓公司，叫埋Partner A一齊聽啦，全程約2個鐘，
對方係中記大行Marketing出身，有十年Marketing功力，創立洗樓公司約一年多，全因當年提出好多建議，但大行限制多，最終自立門戶，主要客群都係地產代理公司，報稱業績每月約$15-16萬，派工約12人，時薪約$40，派一幢約400單位需逐層電梯的，約需2.5小時
(認識這間公司都係由YouTube帶出，有晚觀看TML YouTube影片時，旁邊出現「工商老闆王」，第一個感覺以為係洗樓王既分身品牌，習慣whois.com起一起domain睇睇咩料，只知道戈司地址在新浦江，就在當晚，email form問佢服務詳情，第二日就收到電話回覆，好認真好上心！Whatsapp傾談幾回，感覺佢好有地產Sense，原來真係做過大行！)
傳單公司給了很多建議，細行新開業，每區都有好與壞：
1)回守荃灣海盛路
－好處係熟悉地盤，容易上手，Pickup time相對少
－壞處係當年起身就係因為成交不達2012年暢旺，經常被幾間行家載糊！而且做番當年一樣既野，根本無進步，同樣的Factors會帶出類似既outcomes
荃灣資料數字：TML(49), OMT(45)一年成交平均約47宗屯門資料數字：屯門南豐(40)一年成交約40宗
2)駐點葵涌大連排道
－好處係轉移區域，葵涌成夜相對較多，原因地區較荃灣大3倍，樓價由$1.5M都仲有！相反荃灣入場都要$3M
－壞處係葵興站對出商場已有多間陀地，而每間都有相應炒家支持，多個全層分拆單位都係由他們一手籌劃，要分一杯羹相對有難度
葵涌資料數字：匯城(14), 金基(11), 宏達(31), 一年成交平均約18宗[金運(90)]3)開拓新區，石門！
－好處因為全區只有十幢，活躍約有5幢，對細行相對易入手
－壞處係億京2幢全新樓仍處於剛入伙階段，需要守候一年以上讓市場消化放盤4)進攻新都會廣場2座Office
－好處係地利！葵芳地鐵站一出就到！設施應有盡有，Starbuks可坐足成日(但好煩忙！)
－壞處係需要從零開始起盤，過去一年成交只有15宗，即每月1-2宗，銀碼由$5M+~$57M+($7600@~9500@)，單位分佈由7-46/F，每層約12個單位，全商業契！鄰近地產報稱535’淨租約$19000，另$7-8@雜費
葵涌新都會廣場2座資料數字：新都會廣場2座(15)一年成交約15宗
聽罷，下午1點隨即去新都會廣場視察，了解大廈設施及現場感覺！
3:30左右開始回程，再與行家傾談可行方向，每人都有不同的見解，非常有趣！
A: 市靜，都係做番荃灣，主力搵客再合作！(可聽得出佢只視我為多一個客源渠道)
J:資料性好強！人脈稱可駁通，感覺等待機會，目標留意未來新盤
T:番荃灣同舊公司商討合作方案，唔好浪費5年的荃灣巧底！強調地產這行只要肯花心機時間，點都可以搵到基本生活！一歌萬不是問題，他透露開年到現在約番了十萬數！
今日感想：講真！剛剛由打工轉為自僱，真係自己顧自己！係有膽怯既心態出現！旁人只可以比到佢地既意見，在未有任何成績前，全部都唔會敢一同打天下！各人都有自己既負擔，機會成本考量之下，好多都採用有客有單就盡幫，其他真係吹吹水罷了～
自立好處係時間全由自己安排，你想去聽講座？無問題！唔使再同人請假～想多些時間同家人相處？無問題！鐘意投放幾多都可以！
由早上9:30出門到銀行，到5:30回程返家，其實自己做生意技放冒時間可能比打工更多！沖完涼都馬上要整理資料再部署未來，目標由下星期一開始！
4:00AM起床(由Felix WONG及Tim COOK影響)，落街跑10個圈再番上樓沖涼令成個人進入運行模式！我好清楚自己最高效時段係早上，盡量完成定出項目，盡量每日出街感受市場，持續基本Ground works，即每日開眼到再次回床休息，約有18小時處理業務！相信心態積極強烈，持守P.H.D.心態，大方向係正確既！
當然自己顧自己特別需要心靈支持，「又回到最初的起點」與神同行！渴慕主帶領！我係與神有約的！
今日定出工作事項：
1)將全幢新都會廣場2期用戶水牌入機，業權出查冊，起聯絡資料
2)向行家/市場收取新都會廣場2期最新放盤
3)設計出洗樓傳單，安排印製及派發，預算投資成本
Ps. 有趣的事～J今日同我講，無啦啦突然離職，睇黎一切真係有旨意！
無錯！傳道書有講：
- 凡事都有定期，天下萬務都有定時。
- 生有時，死有時；栽種有時，拔出所栽種的也有時；
- 殺戮有時，醫治有時；拆毀有時，建造有時；
- 哭有時，笑有時；哀慟有時，跳舞有時；
- 拋擲石頭有時，堆聚石頭有時；懷抱有時，不懷抱有時；
- 尋找有時，失落有時；保守有時，捨棄有時；
- 撕裂有時，縫補有時；靜默有時，言語有時；
- 喜愛有時，恨惡有時；爭戰有時，和好有時。
- 這樣看來，做事的人在他的勞碌上有什麼益處呢？
- 我見神叫世人勞苦，使他們在其中受經練。
- 神造萬物，各按其時成為美好，又將永生（原文是永遠）安置在世人心裡。然而神從始至終的作為，人不能參透。
傳道書 第三章
想出一個主意，向舊公司提出合作方案，參考過去一年學到的提成租金做法，試試可行與否，可行的話就進可攻退可守，多個點，多個Backup !
好感恩身邊有人支持，啟蒙師都致電提出免費提供地方使用！
好多謝你們！我會記得你們在我創業初期提出的幫助！將來我成為上市公司主席時，一定會好好向你們報答！