「知明喜行慣」
>要讓客戶「知」道自己的存在；
>繼而要讓客戶「明」白自己在做甚麼；
>才有可能「喜」歡上自己的產品／服務；
>並採取「行」動來銷售；
>然後才有機會讓他們知道自己的產品／服務有效，以後才會繼續幫襯，養成「慣」性。
[這樣，「知」 「明」 「喜」 「行」 「慣」，也就是營銷的成功方程式。]
28hse marketing
好耐無上黎打野啦，都已經唔知創業第幾日，大約過左3個月啦
生意係有野，但近期遇到2單撞山個案，一單係因為業主怕租長約賣唔出，另一單係租客簽完後悔怕會有人巡查，其實都唔知佢怕咩～
牛頭角同長沙灣大火後，工廈又多了記者同傳媒報導，唔知係好定壞啦！
過去6月用28hse收到幾個電話，都有生意成效既！
研究緊同行點用28hse進行marketing, 發現到幾樣野：
搶佔頭版60%以上欄位，一版有15個post，最少要有6個置頂＋3個普通盤，置頂盤成本約＄250-780（按會員計劃不同而定）； 普通盤就＄50-156, 詳看附表會員收費計劃
即係要做到60%佔有率就需要＄2500以上，期限為30天
每月用＄3000做marketing fee暫時又未有能力！
過去3個月，每月都用約＄1000印傳單，banner，banner成效最差！
現在搵到間公司可以$500印5000張A5雙面傳單，比eprint更平！
上次5月時印4000張仲未派哂～
創業-DAY 31-37
22-28May2016
依個星期都係早起唔到，夜晚又成日睇手機到12點幾1點，成個星期都用左好多時間去應酬無謂既人同事，唔明做咩咁多人走黎要著數！
1）朝早驚醒整iPhone, backup完出葵芳改深水埗食都再出油麻地買雪櫃，回程砌eshop，番TML畫logo,番到屋企食個杯麵，無沖涼就訓左係梳化
2) 11點番到公司之後出荃灣會合Sam食lunch, 開CS whatsapp台，定logo，番TML同Ivan傾方案，多個駁腳，番office入機畫新Tag圖，發現到$65@印加掛banner 150x70cm，又有$100洗midtown，可以考慮下，畫到11:30先回程
3）終於收到租客佣金，照樣比支紅酒佢，跟住去Sam度整埋eshop上架，番到TML同Ivan見面傾左陣，多個合作伙伴
4）ground works
5）ground works
6）同Keith 去飲茶，聽左佢舊同事經歷神既故事，再出灣仔，提出古怪方案，最後傾唔成！唔知點解咁多人走黎一開口就要分著數，但咩都未能開出黎睇就要咬落黎，都唔知有咩好咬～
7）約左10:30睇匯城，點知8點收到whatsapp改2點，我就係屋企整下野先，12點出門去葵興匯城，睇完就落大雨，係大堂開部電腦跟進客人，3點就番荃灣買個新出親子蛋餐食，4點幾又要幫Ivan整網，6點就番去剪頭髮
發現街邊banner比人剪哂，好在無玩～
創業-Day 24-30
15-21May2016
足足真正出黎一個月啦，叫做第一個月就番本囉，好多雜數未計
15May2016（星期日），出左football club傾eshop
16May2016（星期一），晏奏同浪費空氣既人傾小巴車身廣告，老一代既人，有部分真係「食矇左！」，比哂作賺就最好！咩都唔識唔使做就個個月每車收$500仲介費！講咩野sole agent都無用啦！夜晚洗左成條天橋
17May2016（星期二），都係ground work, 睇緊時景恆既節目，訪問多位創業人士的故事，幾好睇！
18May2016（星期三），ground work again…..發現人心真係好難測！同你有傾有講時，原來密謀緊點樣從中取利，奈何人面廣，好快就知道了，見利可以起飛腳既人，唔留得係身邊做事
19May2016（星期四），Macy整左好多好野食黎陪我呀，佢溫完書之後，我地去左行沙田
20May2016（星期五），出左炮台山同TnG傾野
21May2016（星期六），身體開始好攰，近排都晏了起身，番到公司都係做social marketing
後記：
我寫字都唔靚，所以盡量都用電腦打信封，真係要手寫既，都會用間尺輔助黎排位
今日收到依封信，秘書第一時間幫我開黎睇，原來係比我公司既，唔知咩事一睇個信封咁樣，真係覺得對家公司態度嘛嘛，所有寄出既信都代表公司，寫錯字換過信封總好過就咁刪左佢！
各位同事，你地為公司所做既每一件事都代表公司，好影響公司品牌形象！我一定會指導所有同事必需用預設格式去出信！專業與否就看這些微細處啦！
黎緊會設計公司專用信紙及信封，提升品牌形象！
創業-Day 17-23
08-14May2016
開單過後，繼續marketing!
08May2016（星期日），番公司畫傳單，整埋貼紙，比幾個朋友睇睇有咩感覺！
09May2016（星期一），無啦啦發現中左抽獎！之前facebook like左一個group，中左Dollar 鋼筆，好開心呀～
10May2016（星期二），朝早去銀行入票，客戶張票唔知要唔震蓋印，入左先算啦！再修改每單設計後，打算容戶支票過數後才拎去印製，心想資金充裕好辦事，全城期待六合彩頭獎1.5億！
11May2016（星期三），傳單貼紙全部經網上落單，睇埋打稿比半數，就安排印製，晚上有行打通知已租出了一個全行得我唯一拎到密碼開門既單位，比佢租出了！其實佢唔岩規矩！我帶佢去睇，佢應該話比我知自己有盤聯絡到業主！此事覺得佢信唔過！無用既人！
12May2016（星期四），同單位業主聯絡番係咪已經租出，原來佢秘書聽錯指示，業主都話比番推廣費我～都好呀，又有收益！同Sam傾網店流程，之後去拎埋紅酒比客戶，番荃灣拎埋傳單就開始洗樓，7點半洗到9點，TML洗哂都要4個鐘！洗樓途中有個女人問我點解上到黎？哈！真好笑！香港好多人都睇唔起派傳單既人！其實都係marketing既一種，你地識上facebook就唔使我地用實體宣傳啦！唔好睇少人！時昌老闆當年都係親自派傳單貼街招！
13May2016（星期五），朝早番去洗左易洗果幾幢先，金熊，CABLE，再入埋份Proposal比之前聯絡過既投資者，晨奏同K傾合作方案，之後細佬黎左幫手洗樓，洗完都差不多9點，直出TST買zcan mouse，方便做content marketing，唔使隻隻字都人手打！
14May2016（星期六），拎埋貼紙打算坐shuttle番office，點知公眾傻期係無車既！師奶們叫我一齊搭的士，我都覺得唔好，自己行番去順道貼貼紙，番到公司都係打下單，做下ground work
創業-Day 17-23
01-07May2016
感謝主！這星期終於開單了！足足2星期的努力得到了回報，而且更一單回本（粗略計）
星期日是勞動節，依舊回公司工作，處理一些content marketing的東西，亦準備星期一跟客人再次翻看TLP的單位
星期一勞動節補假，都係番office工作，客人致電改約明天，希望看看閒日大廈情況
星期二，早上致電租務部確認時間，下午便出發跟客人再看單位，今次多了位老闆及風水先生，比較之下，風水先生一口確認TML比較優勝！客人商議後亦提出offer，第一口offer相對較低，不過學過調解，懂得中立權衡雙方利益，慢慢猜應該可以的！
星期三，客人依然想多看幾個單位，無問題，就約多幾個新放盤，明天早上到客人寫字樓看看他們現用單位的模式，果然好大！差不多4000尺，更設平台，了解過後，再分析offer步驟，下午去到Sam office坐，順道繪畫CAD圖比客人參考單位可容納排位，Sam說我比一般同行優勝是提供了增值服務，外邊找不到！之後同佢閒聊，開始探討eshop可行性！
星期四，客人再翻睇，都係TML好，offer亦開始接近，業主亦願意調整
星期五，開合約！早上懶床了，10點幾才醒來，用家中電腦發電郵發票給之前的客戶收取款項，突然電話一響，可以簽票了！馬上回公司草擬合約再飛去客人寫字樓，點知！客人話需要律師看看條款先，無問題，租約全部都是基本規定，慢慢看吧～晚上收到通知需要加改條款，了解過後，全部都可以
星期六，簽單！早上等電話，下午1點到客人公司樓下，2點才上到去，期間不斷左猜右猜，真係幾吃力！好好條款之前已經落實，再改便增加了枝節！上到去比人責罵了一輪，解釋條款，簽發支票後，便馬上飛到將軍澳找業主簽約，業主很明白事理，了解後便簽約，更即時簽發了佣金支票，很難得的業主！他更問我有無時間跟他一起去參觀單位，有得睇新野緊係去啦，$160期萬可以買到IO樓，途中遇到他的兒子，跟我一樣大，但英國畢業，回港做IPO，手戴OMEGA， 有一刻覺得有點羨慕～睇完便回office處理租約，搵埋Macy一齊，食埋野就回家了
星期日，12點回公司處理admin文件，遇到J，2回順道傾傾方案，傾完都5點，之後我就開始畫leaflet，因為網上平台已經進入autopilot 模式，現在要吸引人流登入網站，咁樣先可以發揮到content marketing既功效！即係要由offline帶到online再培養人流，將之轉化成生意，conversion to action!
繼續加油努力！
發覺自己專注做野係會忘掉了午餐這回事～
1億六合彩中了3個字，有$40，可以買飼料啦～^_^
創業-Day 10-16
24-30Apr2016
星期日番office一口氣整左30篇draft posts, 準備每日出1-2篇+新放盤
星期一收到K轉介一位客人電話，尋找2-4千尺地方，依位客人讓我一星期內打通最新放盤，係好事情！
星期二頸太痛走左去推拿，朝早番office做少少野就走，推完番office繼續！發現2000封newsletter一次過發出會令網站down機，仲會block埋自己ip，日後都係由系統按時發送，中左六合彩3個字～
星期三朝早同客再番睇其他單位，晚上去Macy屋企食飯同濼濼玩，開始發現自己褲頭鬆了好多！
星期四傍晚同Sam食飯，見埋佢契爺呂生，聽左好多故事，朝早一口氣update了OMT所有車位業主，發覺有部分已經轉了名，好既係仲有好多人記得我，一朝update便有近10個放盤
星期五朝早去葵興睇TLP, 睇完番office整網，諗緊整個網收$1000有無得搞，之後J上了來傾路向，都係吹水多
創業－DAY 9
2016年4月23日⋯⋯
10點幾食完野就出門口，入票，影舖，12點半先到OFFICE
又開始整網增強內容
4點半肚餓出左去食米撈河，5點幾又再繼續做野
以前有大影印機，scan野好方便，現在要scan個logo, 幾頁文件，都要自己 set scan to email, 睇下黎緊隻zcan mouse更新成點啦，應該幾好用！
創業－DAY 8
2016年4月22日⋯⋯
朝早好大雨！
10點左右番到OFFICE, UPDATE, 入機, 砌網
上OFFICE前去有線入信箱，入左39-28/F
發覺實體紙傳單帶動網上登入係有困難！
究竟點先可以令網站流量提升？
6點出去尖沙咀同Sam食飯到11點
估唔到Project management都可以咁樣變到幾千蚊，真係好多人支持！
創業－DAY 7
2016年4月21日⋯⋯
一早起身，已經覺得身體消耗到頂點！
咩都唔想做，只想好好熟睡！
同層有裝修工程，嘈到好唔舒服，看看圖書館今日開正午12點
12:30到達開始著手設定網站，嘗試網店設定流程
整左一陣，到番地產裝站看看，發現有些地方可改善，點知一多手改了，整個網站便連不上！
情急之下，馬上Download原檔案復原，幸好修復到！感謝主！
